Peqin – Një 46-vjeçar është arrestuar nga policia, pasi u kap në flagrancë duke hyrë për të vjedhur në një banesë në lagjen “Xhami”. Shtetasi A. R., i dënuar më parë për vjedhje, dyshohet se në të njëjtën ditë ka vjedhur një armë gjahu dhe disa sende nga e njëjta banesë.

Gjatë kontrollit fizik, të arrestuarit iu gjet një mjet (darë) që dyshohet se e përdorte për të kryer vjedhjet. Gjithashtu, në banesën e tij u sekuestruan arma e gjahut dhe sendet e vjedhura.

Shërbimet e Komisariatit të Policisë Peqin, pas marrjes së njoftimit për rastin, organizuan menjëherë kontrollin në adresën e dhënë dhe kapën në flagrancë autorin.

Materialet procedurale janë referuar Prokurorisë pranë Gjykatës së Shkallës së Parë të Juridiksionit të Përgjithshëm Elbasan për veprime të mëtejshme ligjore.

Njoftimi i Policisë:

Kapet në flagrancë nga shërbimet e Policisë, në një banesë në lagjen e tij, ku kishte hyrë për të vjedhur për herë të dytë, vihet në pranga 46-vjeçari, i dënuar më parë për vjedhje.

Në të njëjtën ditë, 46-vjeçari dyshohet se ka vjedhur në banesën ku u kap, një armë gjahu dhe disa sende.

Gjatë kontrollit fizik, të arrestuarit iu gjetën një mjet (darë) që e përdorte për të kryer vjedhjet, ndërsa gjatë kontrollit në banesën e tij u gjetën arma e gjahut dhe sendet e vjedhura.

Shërbimet e Komisariatit të Policisë Peqin, pas marrjes së njoftimit për një rast vjedhjeje në një banesë në lagjen “Xhami”, organizuan menjëherë punën dhe shkuan në adresën e dhënë, për verifikimin e rastit dhe kapjen e autorit. Si rezultat i veprimeve të shpejta operacionale, u kap në flagrancë në banesën e shtetases E. T., ku kishte hyrë për të vjedhur dhe u arrestua shtetasi:

A. R, 46 vjeç, banues në lagjen "Xhami", i dënuar më parë për vjedhje.

Nga hetimet dyshohet se ky shtetas, para një kohe të shkurtër nga kapja në flagrancë, ka vjedhur një armë gjahu dhe disa sende në banesën e shtetases E. T.

Mjeti (darë) që dyshohet se i arrestuari e përdorte për të kryer vjedhjet dhe sendet e vjedhura të cilat u gjetën në banesën e tij, u sekuestruan në cilësinë e provës materiale.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.