Tiranë – Ministria e Arsimit dhe Sportit njoftoi sot datat e provimeve të Maturës Shtetërore 2026 për nxënësit e arsimit të përgjithshëm dhe profesional.

Ministrja e Arsimit, Mirela Kumbaro, bëri me dije se për orientimin e maturantëve gjatë përgatitjes janë publikuar dhe shpërndarë gjithashtu testet model, të cilat ndihmojnë nxënësit të njohin formatin dhe kërkesat e provimeve. Ajo nënvizoi se çdo shkelje e rregullave të provimeve do të penalizohet sipas rregullores përkatëse.

Sipas njoftimit të MAS, datat e provimeve janë si më poshtë:

Gjuhë e huaj: 2 qershor 2026

Gjuhë shqipe dhe letërsi: 9 qershor 2026

Matematikë: 16 qershor 2026

Provimi me zgjedhje: 23 qershor 2026

Të gjitha provimet fillojnë në orën 10:00 dhe kanë një kohëzgjatje prej 2 orësh e 30 minutash.

Udhëzimi i plotë gjendet këtu.

Urdhri i ministrisë gjendet këtu.

Provimi me zgjedhje ofron mundësinë për të zgjedhur lëndë të ndryshme, duke përfshirë: Kimi, Biologji, Histori, Gjeografi, Qytetari, Psikologji, Filozofi, Sociologji, Ekonomi, Histori Arti, Histori Muzike dhe Histori Baleti.

Testet e Maturës hartohen, administrohen dhe vlerësohen nga Qendra e Shërbimeve Arsimore (QSHA). Përgatitja e nxënësve lehtësohet edhe nga testet model, të shpërndara në të gjitha shkollat, për të orientuar maturantët mbi strukturën dhe kërkesat e provimeve.

MATURA SHTETËRORE 2026

PROGRAMET ORIENTUESE PËR GJIMNAZIN

(Gjuhë shqipe dhe Letërsi, Gjuhë e huaj, Matematikë, Fizikë, Kimi, Biologji, Histori, Gjeografi, Sociologji-Filozofi, Ekonomi, Qytetari-Psikologji)

PROGRAMET ORIENTUESE PËR ARSIMIN PROFESIONAL

Gj.Shqipe dhe Letersi (Artisitke ,Sportive Dhe Profesionale), Gjuhë e huaj, Matematikë

PROGRAMET ORIENTUESE PËR SHKOLLAT ARTISTIKE, SPORTIVE

 Gjuhë shqipe dhe Letërsi, Gjuhë e huaj, Matematikë-Sportive, Matematikë-Artistike, Histori Arti, Histori Baleti, Histori Muzike

PROGRAMET ORIENTUESE PËR SHKOLLAT ME DREJTIM GJUHËSOR

 Gjuhë shqipe dhe Letërsi, Gjuhë e huaj, Matematikë

PROGRAMET ORIENTUESE- INSTITUTI I NXËNËSVE QË NUK DËGJOJNË  INND –

 Gjuha angleze,INND – Matematika, INND – Teori e integruar Tekonologji dhe TIK , INND -Gjuhe shqipe dhe letersi