Në Tiranë u zhvillua aktiviteti sportiv Kupa “Ambasadori” në pingpong, një turne i dedikuar grupmoshave deri në 25 vjeç, ku morën pjesë rreth 50 sportistë nga klube të ndryshme të vendit. Garat u organizuan në dy kategori konkurrimi, duke ofruar mundësi të barabarta për sportistët e rinj që të shfaqin aftësitë e tyre.

Në kategorinë deri në 15 vjeç, fituese për vajza u shpall Ana Kokoneshi nga Elbasani, ndërsa për meshkuj vendin e parë e zuri Etjen Qoshja nga Tirana.

Ndërkohë, në kategorinë deri në 25 vjeç, titullin kampione për vajza e fitoi Samanta Agolli e Teutës, ndërsa për meshkuj triumfoi Kejdi Kalaja nga Tirana.

Aktiviteti u ndoq nga afër nga ambasadorja e Republikës Popullore të Kinës në Tiranë, Pang Chunxue, presidenti i Komitetit Olimpik Kombëtar Shqiptar, Fidel Ylli, si edhe presidenti i Federatës Shqiptare të Pingpongut, Krenar Dila, të cilët vlerësuan rëndësinë e këtij turneu për zhvillimin e sportit.

Kupa “Ambasadori” ka për qëllim promovimin e pingpongut në Shqipëri, si dhe evidentimin dhe mbështetjen e talenteve të reja, duke kontribuar në zhvillimin e mëtejshëm të këtij sporti dhe në forcimin e bashkëpunimit ndërkombëtar në fushën e sportit.

KOKSH, deklaratë për eventin

Në një komunikatë për media, Komiteti Olimpik Kombëtar Shqiptar (KOKSH) njoftoi se është zhvilluar në Tiranë Kupa ‘Ambasadori’ në Ping Pong, për grupmoshat deri në 25 vjeç. Në këtë aktivitet morën pjesë 50 sportistë nga klube të ndryshme të vendit, të ndanë në 2 kategori. Për kategorinë deri në 15 vjeç fituese për vajza u shpall Ana Kokoneshi e Elbasanit dhe për meshkuj Etjen Qoshja i Tiranës. Në kategorinë deri 25 vjeç kampione u shpall Samanta Agolli e Teutës, ndërsa për meshkuj Kejdi Kalaja i Tiranës.

Aktivitetin e ndoqën nga afër Ambasadorja e Kinës në Tiranë, znj. Pang Chunxue, Presidenti i KOKSH, z. Fidel Ylli dhe Presidenti i Federatës së Ping Pongut, z. Krenar Dila.