Të dhënat po ngarkohen...
Transmetuar më 10-01-2026, 14:09
Tiranë- Dy ditë më parë, në ish-tregun e Uzinës Dinamo një zjarr i madh përfshiu disa kapanone, duke shkatërruar një pjesë të konsiderueshme të mallrave.
Policia bëri me dije se zjarri mund të ketë nisur si pasojë e një shkëndije elektrike, duke nënkuptuar se shkaktarët e ngjarjes janë të natyrës aksidentale.
Në reagim thuhet:
Më datë 08.01.2026, në rrugën “Ferit Xhajko”, dyshohet se, si pasojë e një shkëndije elektrike, ka rënë zjarr në kapanonet e tregut të njohur ndryshe si ish-tregu “Uzina Dinamo”, ku për pasojë ka patur dëme të konsiderueshme në mallra dhe dëme materiale. Nën drejtimin e Prokurorisë u kryen veprimet procedurale dhe dyshohet se shkaku i rënies së zjarrit ka qenë aksidental.
Materialet u referuan në Prokurori për hetime të mëtejshme.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd