TIRANË, 10 janar 2026 – Një shtetas shqiptar, i dënuar me 6 vite burgim dhe i shpallur në kërkim ndërkombëtar, është ekstraduar nga Gjermania drejt Shqipërisë.

Interpol Tirana njoftoi se, si rezultat i koordinimit të veprimeve operacionale me Interpol Wiesbaden/Gjermani, në kuadër të operacionit ndërkombëtar të koduar “The Wanted”, u finalizua ekstradimi i shtetasit Sokol Ndreka, 51 vjeç.

Sipas autoriteteve, Ndreka ishte dënuar në vitin 2024 nga Gjykata e Shkallës së Parë e Juridiksionit të Përgjithshëm Tiranë me 6 vite burgim për veprat penale “Ndihma për kalim të paligjshëm të kufijve” dhe “Largimi i të burgosurit nga vendi i qëndrimit”.

Përmbledhje e ngjarjes

Më 31 tetor 2022, në rrugën dytësore Tiranë–Durrës, policia ndaloi një automjet ku udhëtonin 15 shtetas të huaj, të identifikuar si emigrantë të paligjshëm. Nga hetimet e kryera rezultoi se Sokol Ndreka ishte i përfshirë në aktivitetin e paligjshëm të trafikimit të emigrantëve.

Falë bashkëpunimit mes Interpol Tiranës dhe Interpol Wiesbaden, u bë i mundur arrestimi i tij në Gjermani dhe më pas ekstradimi drejt vendit tonë, për vuajtjen e dënimit të dhënë nga drejtësia shqiptare.

Interpol Tirana

Ekstradohet nga Gjermania një shtetas i dënuar me 6 vite burgim.

Si rezultat i koordinimit të veprimeve operacionale ndërmjet specialistëve të Drejtorisë së Interpol Tiranës dhe Interpol Wiesbaden/Gjermani, në vijim të operacionit ndërkombëtar të koduar “The Wanted”, u finalizua ekstradimi nga Gjermania drejt vendit tonë i shtetasit shqiptar Sokol Ndreka, 51 vjeç.

Ky shtetas ishte i shpallur në kërkim ndërkombëtar, pasi Gjykata e Shkallës së Parë e Juridiksionit të Përgjithshëm Tiranë, në vitin 2024, e ka dënuar me 6 vite burgim për veprat penale “Ndihma për kalim të paligjshëm të kufijve” dhe “Largimi i të burgosurit nga vendi i qëndrimit”.

Përmbledhje e ngjarjes:

Më datë 31.10.2022, në rrugën dytësore Tiranë–Durrës, janë kapur në një automjet 15 shtetas të huaj (emigrantë të paligjshëm).

Nga hetimet ka rezultuar se shtetasi Sokol Ndreka ishte i përfshirë në aktivitetin e paligjshëm të trafikimit të emigrantëve.

Si rezultat i bashkëpunimit të Interpol Tiranës me Interpol Wiesbaden/Gjermani, u bë i mundur arrestimi i tij në Gjermani, duke u finalizuar me ekstradimin drejt vendit tonë.