Një konflikt për motive të dobëta ka përfunduar me plagosjen e një 18-vjeçari në Tiranë. Ngjarja ka ndodhur më 23 nëntor 2025, ku i riu është goditur me mjet prerës gjatë një përplasjeje fizike.

Pas hetimeve dhe veprimeve operative, shërbimet e Komisariatit të Policisë Nr. 2 kanë identifikuar dhe lokalizuar autorin e dyshuar.

Në kuadër të operacionit policor të koduar “Catch”, u arrestua shtetasi E. R., 19 vjeç, i cili ishte shpallur më herët në kërkim për këtë ngjarje.

Policia bën me dije se arrestimi u krye në bazë të informacioneve të siguruara në rrugë operative, ndërsa materialet procedurale i janë referuar Prokurorisë për veprime të mëtejshme ligjore. /noa.al