Tiranë, 8 janar 2026 – Një grabitje është regjistruar në zonën e Yzberishtit në Tiranë, ku një person ende i paidentifikuar ka vjedhur një shumë parash në një market.

Sipas njoftimit paraprak, autori ka kërcënuar punonjësit e kasës me thikë pasi ka marrë paratë, duke u larguar më pas nga vendngjarja.

Policia ka nisur menjëherë hetimet për identifikimin dhe kapjen e autorit, ndërsa po punohet edhe për sigurimin e pamjeve nga kamerat e sigurisë dhe mbledhjen e provave të tjera që mund të ndihmojnë në zbardhjen e rastit.

Fatmirësisht, nga ngjarja nuk raportohet për persona të lënduar.