Një mjet borëpastrues është përfshirë në një aksident rrugor të trefishtë në Rrugën e Arbrit, pranë tunelit të Murrizit, në krahun e Klosit.

Sipas informacionit paraprak, gjatë punës për pastrimin e dëborës, borëpastruesja ka goditur një automjet tip Volkswagen që po udhëtonte në drejtim të Tiranës. Si pasojë e përplasjes, automjeti është përplasur më pas edhe me dy mjete të tjera.

Nga aksidenti kanë mbetur të lënduar disa persona, ndërsa drejtuesi i mjetit Volkswagen është transportuar me urgjencë në spital për ndihmë mjekësore të specializuar.

Në vendngjarje kanë mbërritur shërbimet e Policisë, të cilat kanë nisur hetimet për zbardhjen e plotë të rrethanave dhe shkaqeve të aksidentit.