Tiranb- Kryeministri Edi Rama do të mbledhë qeverinë të premten, më 9 janar, në Pallatin e Brigadave në Tiranë.

Takimi është planifikuar të nisë në ora 10:00 dhe do të shërbejë si një tryezë e gjatë pune për analizimin e projekteve dhe reformave që qeveria synon të çojë përpara gjatë vitit 2026.

Sipas burimeve zyrtare, fokusi i mbledhjes do të jetë te objektivat strategjike të qeverisë për këtë vit, si dhe përcaktimi i drejtimit të punës për muajt në vijim.

Mbledhja pritet të jetë një moment për vlerësimin e progresit dhe planifikimin e prioriteteve, duke mundësuar koordinimin e veprimeve në nivelet qendrore dhe rajonale të administratës.