Reshjet e dendura të shiut kanë shkaktuar përmbytje të mëdha në zonën e ish-Kënetës në Durrës, ku uji nuk është tërhequr as nga rrugët dytësore, as nga banesat e shumë familjeve.

Shumë shtëpi mbeten të rrethuar nga uji, ndërsa për banorët, dëmet materiale janë të konsiderueshme. Orenditë, pajisjet elektroshtëpiake dhe sendet e nevojshme për jetesën e përditshme janë dëmtuar, duke e bërë situatën tepër të vështirë për jetesë.

Banorët shprehin shqetësim për mungesën e ndërhyrjes dhe ndihmës, duke theksuar se ndihen të izoluar dhe të braktisur në kushtet e përmbytjes. Autoritetet lokale ende nuk kanë dhënë një informacion zyrtar mbi masat e ndërmarra për të lehtësuar situatën.