6 Janar 2026 – GJIROKASTRA – Qyteti i Gjirokastrës po përballet me reshje shiu intensive dhe mot të përkeqësuar. Kryebashkiaku Flamur Golemi, përmes një postimi në rrjetin social Facebook, bëri thirrje që qytetarët të shmangin lëvizjet e panevojshme.

Golemi u shpreh se strukturat lokale dhe qëndrore të emergjencave janë në terren dhe po ndjekin situatën për të ndërhyrë ku është e nevojshme. Ai u bëri thirrje qytetarëve që në rast emergjence të telefonojnë në numrin 112.

“Strukturat lokale e qëndrore të emergjencave janë në terren dhe ndjekin situatën për të bërë gjithçka duhet. Qëllimi ynë është të shmangim pasoja mbi njerëzit dhe, më pas, dëme materiale,” shkruan Flamur Golemi.