Tensionet mes Moskës dhe Kievit vijojnë të përshkallëzohen, ndërsa autoritetet ruse raportojnë për një sulm me dron në territorin e Rusisë.

Sipas njoftimit zyrtar të zyrës së guvernatorit rajonal, një person ka humbur jetën dhe dy të tjerë janë plagosur si pasojë e një sulmi me dron ukrainas në rajonin Tver, në orët e para të mëngjesit të së martës.

Mediat e huaja bëjnë me dije se fragmente nga një dron i rrëzuar kanë rënë mbi një ndërtesë banimi, duke goditur një apartament në katin e nëntë dhe duke shkaktuar një zjarr. Flakët janë neutralizuar nga shërbimet e emergjencës, ndërsa banorët e apartamenteve përreth janë evakuuar për arsye sigurie.

Guvernatori rajonal në detyrë, Vitaly Karolev, deklaroi se situata është vënë nën kontroll dhe se autoritetet po vijojnë verifikimet për dëmet dhe rrethanat e sulmit.

Nga pala ukrainase nuk ka ende një reagim zyrtar lidhur me raportimet.

Debris from a #Ukrainian #drone hit a residential high-rise in #Russia’s #Tver region, sparking a fire around the 9th floor. One person was killed & three others injured. Several apartments were damaged, residents evacuated, and the fire was put out by 3:45 a.m., officials said. pic.twitter.com/ipFRt3O5qQ

— Uzbek Now (@UzbekNow) January 6, 2026