ITALI – Një shtetas shqiptar është arrestuar nga policia italiane, pasi u kap duke trafikuar një sasi të madhe lëndësh narkotike, me vlerë tregu mbi 5 milionë euro.

Sipas mediave italiane, shqiptari u ndalua pas një ndjekjeje nga efektivët e policisë, ndërsa gjatë kontrollit iu gjetën mbi 100 kilogramë drogë, përfshirë hashash, kokainë dhe heroinë, si dhe një sasi e konsiderueshme agjentësh prerës, të dyshuar për përpunimin e lëndëve narkotike.

Operacioni u krye nga Skuadra Fluturuese e Shtabit të Policisë së Teramos, e cila pas bastisjes arrestoi të dyshuarin, duke e akuzuar për posedim të narkotikëve me qëllim shpërndarjen.

Autoritetet italiane bëjnë me dije se detajet e plota të operacionit nuk janë bërë ende publike, pasi hetimet vijojnë për të identifikuar persona të tjerë të përfshirë në këtë aktivitet kriminal.

Foto e sekuestrove, publikuar nga policia italianr