Një konflikt familjar ka përfunduar në dhunë fizike në qytetin e Lushnjës, duke çuar në nisjen e procedimit penal për dy bashkëshortë.

Sipas njoftimit zyrtar të Policisë, specialistët për Hetimin e Krimeve në Komisariatin e Policisë Lushnjë kanë referuar materialet në Prokurori, ku ka nisur procedimi penal ndaj shtetasve E. S., 42 vjeç, dhe M. S., 38 vjeçe, bashkëshortë.

Nga hetimet paraprake rezulton se 38-vjeçarja ka ushtruar dhunë ndaj vjehrrës së saj, ndërsa më pas 42-vjeçari ka ushtruar dhunë ndaj bashkëshortes.

Policia bën me dije se po vijojnë veprimet procedurale për zbardhjen e plotë të rrethanave të ngjarjes, ndërsa materialet i janë referuar Prokurorisë për veprime të mëtejshme ligjore.