Këtë vit që sapo ka hyrë do të kemi plot ditë pushimi për shkak jo vetëm të festave zyrtare por edhe sepse disa prej tyre bien në ditë zyrtare pushimi javor.

Noa.al ju sjell më poshtë me detaje festat zyrtare 2026 me shpjegim të detajuar për secilën.

01 janar 2026

Festa e Vitit të Ri

02 janar 2026

Festa e Vitit të Ri

Të enjten 1 dhe të premte 2 janar janë pushimi dhe bashkë me fundjavën 3 e 4 Janar janë 4 ditë radhazi pushimi për administratën dhe disa kompani që aplikojnë të njëjtën skemë pushimesh.

Pushimi i parë zyrtar pas ndërrimit të viteve është në mes të marsit.

14 mars 2026

Dita e Verës

Kjo datë bie e shtunë ndaj do të bartet të hënën dhe kështu administrata dhe shkollat private e publike do të kenë 3 ditë pushim radhazi.

20 mars 2026

Dita e Bajramit të Madh

Të premten 20 mars është sërish pushim që siguron 3 ditë radhazi për administratën dhe shkollat.

Por jo vetëm kaq, edhe e hëna 23 mars do të jetë pushim pasi Nevruzi bie të dielën. Në këtë mënyrë do të jetë një 4 ditësh i plotë pushimesh.

22 mars 2026

Dita e Nevruzit

05 prill 2026

E diela e Pashkëve Katolike

Edhe për pashkën katolike kemi 3 ditë pushim radhazi, e shtunë-e diel-e hënë.

12 prill 2026

E diela e Pashkëve Ortodokse

E njëjta gjë do të jetë dhe për pashkët ortodokse duke siguruar 3 ditë pushim radhazi, nga e shtuna deri dhe të hënën.

01 maj 2026

Dita Ndërkombëtare e Punëtorëve

Edhe për 1 majin sigurohen tre ditë pushim radhazi pasi bie e premte.

27 maj 2026, e mërkurë

Dita e Kurban Bajramit

Ndërsa 3 muajt e verës janë pa asnjë ditë pushimi zyrtar, ato kthehen në vjeshtë:

05 shtator 2026

Dita e Shenjtërimit të Shenjt Terezës

Kjo ditë bie e shtunë ndaj e hëna do të jetë pushim duke siguruar sërish 3 ditë pushimi radhazi.

22 nëntor 2026

Dita e Alfabetit

Kjo ditë bie e diel ndaj e hëna do të jetë pushim duke siguruar 3 ditë radhazi pushim.

28 nëntor 2026

Dita Flamurit dhe e Pavarësisë

29 nëntor 2026

Dita e Çlirimit

Festat e nëntorit bien të shtunë e të diel ndaj ato barten të hënën dhe të martën duke siguruar katër ditë pushime radhazi.

08 dhjetor 2026, e martë

Dita Kombëtare e Rinisë

25 dhjetor 2026

Krishtlindjet

Festa e krishterë bie e premte ndaj siguron 3 ditë radhazi pushim.

Arsimi parauniversitar, pushimet e 2026

Përveç ditëve të mësipërme që janë pushim njësoj si administrata dhe arsimi universitar, shkollat e sistemit parauniversitar në sektorin publik dhe privat, kanë dhe pushime të tjera.

Kështu janë pushimet e pranverës që nisin të hënën më 30 mars deri të dielën 5 prill 2026.

Ndërkohë në qershor nisin pushimet verore të cilat janë në kohëzgjatjen 13 qershor deri të martën më 8 shtator ose 14 shtator, në varësi të vendimit që do marrë qeveria për nisjen e vitit shkollor 2026-2027.

Ndërsa pushimet e dimrit nisin më 19 dhjetor 2025 e vazhdojnë deri më 5 janar 2027. /noa.al

*Shënim: Datat e festave të Kurban Bajramit dhe Bajramit të Madh mund të ndryshojë sipas kalendarit hënor. Në rast se do të ketë ndryshime, do të viheni në dijeni me një njoftim të dytë.