Të dhënat po ngarkohen...
Transmetuar më 31-12-2025, 01:30
Viti 2026 nuk nis lehtë për Bricjapin, por sipas Paolo Fox, pas lodhjes dhe presionit fshihet një forcë e madhe ndryshimi.
Ky është një vit që teston durimin, përgjegjësinë dhe qëndrueshmërinë, por që në fund shpërblen ata që nuk dorëzohen.
Sfida ka, por edhe një kthesë vendimtare që vjen me kohën.
Bricjapi – Parashikimi i plotë për vitin 2026
Fillimi i vitit është i ngarkuar dhe disi i lodhshëm. Tensionet dhe stresi i muajve të fundit të vitit 2025 vazhdojnë të ndihen, sidomos në javët e para të janarit.
Megjithatë, 15 ditët e para të muajit kanë një peshë të veçantë, pasi Dielli, Merkuri, Venusi dhe Marsi ndodhen njëkohësisht në shenjën tënde. Kjo sjell intensitet, por edhe presion të madh.
Ajo që të shqetëson më shumë lidhet me përgjegjësi të reja. Shumë Bricjapë, për shkak të ambicies së lartë, kanë marrë mbi vete barrë të rëndë, role të reja dhe detyra që kërkojnë shumë energji. Kohët e fundit mund të kesh ndjerë mungesë mbështetjeje.
Prandaj, deri në pranverë, bëhet e domosdoshme të rindërtosh ekuilibrin: të krijosh një ekip të ri, të riorganizosh bashkëpunimet ose të rivendosësh rregull në jetën profesionale.
Muaji maj shfaqet si një pikë force e rëndësishme. Është një periudhë që sjell kënaqësi dhe rezultate konkrete. Nëse ka persona që të kundërshtojnë ose një rival të ri që del në skenë, mos u shqetëso: fitorja nuk vjen menjëherë, por nga gjysma e dytë e vitit situata përmbyset në favorin tënd.
Nga korriku, Jupiteri pushon së ushtruari presion kundër teje dhe kjo hap rrugën për përparim.
Ky është pa dyshim një vit kërkues, por gjithçka lidhet me atë që ke ndërtuar dhe po mban mbi supe. Sa më shumë përgjegjësi, aq më i madh potenciali për sukses.
Në dashuri, periudha më e favorshme lidhet me verën. Korriku dhe dhjetori janë muaj shumë pozitivë për ndjenjat.
Ata që duan të martohen, të bashkëjetojnë ose të nisin një histori të re, nga vera e në vazhdim do të kenë një qiell vërtet mbështetës.
Mesazhi i vitit 2026 për Bricjapin është i qartë: lodhja nuk është fundi, por prova para shpërblimit. Kush qëndron i fortë dhe i organizuar, në fund del fitues. /noa.al
Shënim i noa.al: Horoskopi nuk synon të zëvendësojë në asnjë mënyrë informacionin shkencor të dhënë nga mjekë dhe specialistë të fushave përkatëse. Nëse keni nevojë për këshilla të caktuara, ju rekomandojmë të kontaktoni një profesionist. Astrologjia merret me lëvizjet e yjeve dhe planetëve, megjithatë, në asnjë mënyrë noa.al nuk nxit vendime të bazuara mbi horoskopin.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd