SHBA- Një person humbi jetën dhe një tjetër mbeti i plagosur rëndë pasi dy helikopterë u rrëzuan në jug të New Jersey të dielën. Administrata Federale e Aviacionit e përshkroi rrëzimin si një përplasje në ajër mes dy helikopterëve.

Shefi i Policisë së Hammontonit, Kevin Friel tha se, ekipet e shpëtimit iu përgjigjën një raporti për një rrëzim avioni rreth orës 11:25 të mëngjesit të së dielës dhe më pas ekipet e policisë dhe zjarrfikësve shuan flakët që përfshinë një nga helikopterët. Një person u vra dhe një tjetër u transportua në një spital aty pranë me lëndime kërcënuese për jetën.