Lezhë, – Një aksident i rëndë rrugor është regjistruar mbrëmjen e kësaj të diele në fshatin Manati të Lezhës. Sipas burimeve, drejtuesi i një automjeti ka humbur kontrollin mbi mjetin, ka dalë nga rruga dhe më pas është përplasur me forcë me murin rrethues të një banese.

Si pasojë e përplasjes së fortë, i plagosur ka mbetur drejtuesi i automjetit, i cili është transportuar me urgjencë drejt spitalit për ndihmë mjekësore. Ende nuk dihet gjendja e tij shëndetësore.

Policia ka mbërritur në vendngjarje dhe po punon për zbardhjen e shkaqeve të aksidentit, ndërsa pritet edhe ekspertiza teknike për të përcaktuar rrethanat e plota të ngjarjes.