Klos – Një rast që ngjan më shumë me absurd të tipit çudira shqiptare sesa me normalitet është regjistruar në Klos, ku një 44-vjeçar u arrestua pasi kreu ndërhyrje të paligjshme në monumentin e kulturës “Ura e Vashës” dhe ndërtoi pa leje një objekt pranë saj.

Shtetasi M. S., banues në fshatin Fshat, u kap në flagrancë nga specialistët për Hetimin e Krimeve të Komisariatit të Policisë Mat, në kuadër të kontrolleve për parandalimin dhe goditjen e krimeve mjedisore dhe ndërtimeve të paligjshme.

Sipas policisë, 44-vjeçari ishte duke kryer punime pa leje dhe kishte bërë ndërhyrje direkte në strukturën e monumentit të kulturës, duke cenuar vlerat historike të saj.

Ai akuzohet për veprat penale:

“Shkatërrimi i veprave kulturore”

“Ndërtimi i paligjshëm”

Policia njofton se monitorimi i territorit vijon, ndërsa materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Dibër për veprime të mëtejshme. /noa.al