KAVAJË – Një ngjarje e rëndë është regjistruar paraditen e sotme në lagjen nr. 2 të qytetit të Kavajës, ku një biznesmen është plagosur me mjet prerës.

Sipas informacioneve paraprake, shtetasi Artur Ligeja, pronar i një agjencie udhëtimesh dhe disa bizneseve të tjera, është sulmuar me thikë, duke mbetur i plagosur. Ai është transportuar për ndihmë mjekësore, ndërsa raportohet se ndodhet jashtë rrezikut për jetën.

Rrethanat e ngjarjes mbeten ende të paqarta. Forcat e policisë kanë mbërritur menjëherë në vendngjarje dhe po kryejnë veprimet hetimore për të zbardhur shkaqet dhe autorësinë e sulmit.

Burime zyrtare bëjnë me dije se po merret në pyetje edhe vetë i dëmtuari, ndërsa hetimet vijojnë.