Gjermani, 22 Dhjetor 2025

Bayern Munich ka rikthyer menjëherë ritmin e fitoreve, duke triumfuar bindshëm 4-0 ndaj Heidenheim dhe duke konsoliduar kryesimin në Bundesliga, me 9 pikë diferencë nga Borussia Dortmund.

Skuadra bavareze zhbllokoi ndeshjen që në minutën e 15-të, kur Stanisic realizoi me kokë pas një krosimi në zonë. Dominimi i Bayern u konkretizua sërish në minutën e 32-të, me Olise që dyfishoi shifrat pas një aksioni të shpejtë ofensiv.

Heidenheim rezistoi deri në minutat e fundit, por në të 86-tën ishte Diaz që shënoi golin e tretë. Festa u plotësua nga Harry Kane, i cili realizoi golin e katërt dhe vulosi rezultatin përfundimtar.

Me këtë gol, Harry Kane mbyll vitin kalendarik me 60 gola dhe arrin shifrën e 100 kontributeve direkte në gola me fanellën e Bayern Munich, 81 gola dhe 19 asistime në 78 ndeshje, duke u bërë lojtari që e arrin këtë rekord më shpejt në historinë e Bundesligës.