Policia e Shtetit ka finalizuar operacionin e koduar “Operacionalja 76”, në kuadër të punës për kapjen e personave të shpallur në kërkim ndërkombëtar.

Gjatë operacionit, u arrestua në Tiranë shtetasi Gjergji Ceka alias Gjergji Kola, 37 vjeç, banues në kryeqytet, i cili ishte shpallur në kërkim nga autoritetet spanjolle.

Sipas njoftimit zyrtar, Gjykata e Malagës, me vendim të datës 14.11.2025, i ka caktuar këtij shtetasi masën e sigurisë “arrest në burg” për veprën penale të kultivimit të bimëve narkotike.

Interpol Tirana, në bashkëpunim me Interpol Madrid, po kryen procedurat për ekstradimin e 37-vjeçarit drejt Spanjës.