TIRANË- Këshilli i Mandateve dhe Imunitetit prej orës 10:30 është mbledhur për të shqyrtuar kërkesën e SPAK për imunitetin e zv.kryeministres Belinda Balluku. Bëhet me dije se gjatë mbledhjes, avokati i Ballukut ka kërkuar shtyrjen e mbledhjes ndërsa ka deklaruar se i duhet kohë për mbrojtjen.

Lidhur me këtë kërkesë, PS dhe PD janë dakord që të shtyhet mbledhja e Këshillit të Mandateve dhe pritet të shihet se në çfarë datë do të caktohet mbledhja e radhës. SPAK ndërkohë ka deklaruar se edhe avokati i Ballukut mund të njihet me USB-në me provat.

Gjatë mbledhjes pati debate të ashpra, pasi bazhdimisht po diskutohej lidhur me USB-në me provat e SPAK, ku socialistët thanë se provat duhet të shqyrtohen brenda në mbledhje dhe se USB-ja nuk duhet t’iu jepet anëtarëve që të aksesojnë materialet vetë. Por, prokurorët e SPAK thonë se materiali i USB-së mund të aksesohet nga anëtarët e Këshillit të Mandateve dhe mund t’i kenë provat secili prej anëtarëve.