Një aksident rrugor është shënuar këtë të martë në qytetin e Fierit pranë stacionit të trenit, ku një automjet dhe një motomjet janë përfshirë në një përplasje.

Si pasojë e incidentit, drejtuesi i motorit, Ronaldo Sako, 26 vjeç, ka mbetur i lënduar dhe është transportuar drejt Spitalit Rajonal të Fierit, ku po merr ndihmën e nevojshme mjekësore.

Burime nga spitali bëjnë me dije se i lënduari Roland Sako ndodhet nën kujdesin e mjekëve.

Rrethanat e ngjarjes mbeten ende të paqarta, ndërsa në vendngjarje kanë mbërritur shërbimet e Policisë, të cilat po kryejnë veprimet procedurale dhe po punojnë për sqarimin e plotë të shkakut të përplasjes.

Qarkullimi në këtë segment ka vijuar me kujdes të shtuar për drejtuesit e mjeteve. /noa.al

Çfarë tha policia

Rreth orës 07:30, në rrugën “Kastriot Muço", automjeti me drejtues shtetasin F. R. është përplasur me motomjetin me shtetasin R. S., 26 vjeç. Nga aksidenti është dëmtuar shtetasi R. S., i cili po merr ndihmë mjeksore në spital dhe jashtë rrezikut për jetën.

Grupi hetimor po kryen veprimet për zbardhjen e rrethanave të aksidentit.