Lezhë/ Aksident në kryqëzimin e Rrilës, e moshuara dërgohet në spital

Një aksident rrugor është regjistruar pasditen e sotme në afërsi të kryqëzimit të Rrilës, në qytetin e Lezhës.

Sipas informacioneve paraprake, rreth orës 17:40, një automjet i drejtuar nga një 51-vjeçar ka aksidentuar një këmbësore, 74 vjeçe.

Si pasojë e përplasjes, e moshuara është transportuar në spital për ndihmë mjekësore.

Burime zyrtare bëjnë me dije se 74-vjeçarja ndodhet jashtë rrezikut për jetën.

Në vendngjarje ka mbërritur grupi hetimor, i cili po kryen veprimet e nevojshme për sqarimin e plotë të rrethanave dhe shkaqeve të aksidentit. /noa.al