16 Dhjetor 2025 Kreu i Partisë Demokratike, Sali Berisha, ka reaguar pas kërkesës së SPAK për heqjen e imunitetit dhe arrestimin e zv/kryeministres Belinda Balluku.

Sipas Berishës, kryeministri Edi Rama po përpiqet ta mbrojë Ballukun për interesa personale. “Rama do të përdorë si mburojë fustanin e Lubisë. Në reagimin e tij për kërkesën e Prokurorisë, ai shpall mes rreshtash se do ta mbrojë Ballukun me çdo çmim, sepse po mbron veten e tij. 50 milionë euro i kanë ndarë bashkë”, u shpreh Berisha.

Ai shtoi se reagimi i Ramës në rrjetin social X mund të përmblidhet me fjalët: “Jetën e japim, Lubinë nuk e japim.”

“Imagjinoni çfarë do të ndodhë kur t’i komunikohet akuza vetë atij. Qytetarë, është ora juaj! Populli do ta thotë fjalën e tij më 22 dhjetor”, përfundoi Berisha.