Tiranë- Janë zbardhur detaje nga mbledhja e zhvilluar me Grupin Parlamentar të Partisë Socialiste, ku kryeministri Edi Rama u ka dhënë disa porosi deputetëve socialistë në prag të angazhimeve politike dhe parlamentare.

Kryeministri ka theksuar rëndësinë e pranisë së deputetëve në zonat ku janë zgjedhur, duke u kërkuar që të jenë më aktivë në terren dhe në kontakt të vazhdueshëm me elektoratin.

Gjithashtu, Rama ka kërkuar që vëmendja e deputetëve të fokusohet në ligjet prioritare, veçanërisht ato që lidhen me procesin e integrimit të Shqipërisë në Bashkimin Evropian, duke nënvizuar rëndësinë e rolit të Kuvendit në këtë fazë.