PESHKOPI- Një aksident rrugor ka ndodhur ditën e sotme në rrugën nacionale Maqellarë–Peshkopi, në vendin e quajtur Melan.

Bëhet me dije se dy automjete janë përplasur me njëra-tjetrën dhe si pasojë një grua ka mbetur e plagosur.

Ngjarja që shihni në foto ka ndodhur sot rreth orës 09:40, në aksin rrugor Maqellarë–Peshkopi, ku janë përplasur dy automjete me drejtues shtetasit Q.Q., 59 vjeç, dhe E.M., 30 vjeç.

Si pasojë e përplasjes, është lënduar një pasagjere, gruaja e të riut 30 vjeçar, e cila po merr ndihmë mjekësore në spital, jashtë rrezikut për jetën.

Grupi hetimor ndodhet në vendngjarje dhe po kryen veprimet hetimore për sqarimin e plotë të rrethanave të aksidentit.

Gjithashtu në vendngjarje kanë mbërritur shërbimet e policisë dhe po kryejnë hetimet për zbardhjen e shkaqeve të aksidentit. /noa.al