Tiranë – 13 dhjetor 2025 – Një aksident i rëndë rrugor është regjistruar mbrëmjen e së premtes në Tiranë, ku për pasojë ka humbur jetën drejtuesi i një motomjeti, ndërsa pasagjerja ka mbetur e plagosur.

Sipas informacionit paraprak të Policisë, ngjarja ka ndodhur në rrugën e Prushit, ku një automjet me drejtues shtetasin F. Gj., rreth 23 vjeç, është përplasur me një motomjet që drejtohej nga shtetasi B. T., rreth 40 vjeç.

Si pasojë e përplasjes, drejtuesi i motomjetit ka ndërruar jetë në vend, ndërsa pasagjerja në motomjet, shtetasja A. Gj., rreth 22 vjeçe, është dëmtuar dhe ndodhet në spital nën kujdesin e mjekëve.

Drejtuesi i automjetit është shoqëruar në Komisariat për veprime të mëtejshme procedurale, ndërsa grupi hetimor vijon punën për sqarimin e plotë të rrethanave dhe shkaqeve të aksidentit.

Në një komunikatë të dytë u njoftua se forcat policore arrestuan shtetasin B. M., 33 vjeç, pasi në aksin rrugor Fushë Krujë–Ura e Gjolës, me automjetin që drejtonte, ka përplasur këmbësorin shtetasin I. L., 19 vjeç, i cili po ndihmonte një shtetase për të hequr automjetin e saj nga rruga. Si pasojë e përplasjes 19-vjeçari ka humbur jetën në spital.

Foto arkivi, ilustruese