KOSOVË, 9 dhjetor 2025 Një 26-vjeçar nga Leposaviqi ka humbur jetën si pasojë e plagëve të marra në një aksident të rëndë automobilistik që ndodhi një ditë më parë në veri të Kosovës. Viktima, me inicialet M.Dh., i lindur në vitin 1999, po trajtohej në gjendje kritike, por nuk arriti t’i mbijetonte dëmtimeve të marra.

Lajmi u konfirmua për Klan Kosova nga zëdhënësi i Policisë së Mitrovicës së Veriut, Erduan Baliqi, i cili tha se përkundër përpjekjeve të mjekëve, i riu ndërroi jetë në spital. “Personi që ka qenë në gjendje kritike ka vdekur”, deklaroi ai.

Aksidenti përfshiu dy automjete dhe autoritetet po vijojnë hetimet për të sqaruar rrethanat e plota të ngjarjes, ndërsa pritet që rezultatet paraprake të zbardhin dinamikën e përplasjes që i mori jetën të riut.