Ish-Presidenti i Republikës, Bamir Topi, u paraqit këtë të martë në ambientet e Prokurorisë së Posaçme (SPAK), në kuadër të hetimeve të zgjeruara për dosjen e “21 Janarit”.

Topi është thirrur si person që ka dijeni mbi ngjarjet, duke qenë se në periudhën e protestës tragjike të vitit 2011 ai mbante postin e Kreut të Shtetit.

Kush është thirrur më herët për çështjen

Për të njëjtën dosje, në SPAK janë paraqitur më herët:

Sali Berisha, ish-kryeministër në atë kohë

Lulzim Basha, ish-ministër i Brendshëm

Hetimet për zbardhjen e plotë të dinamikës, vendimmarrjeve dhe përgjegjësive institucionale vijojnë ende.

Zhvillime të tjera në SPAK

Ndërkohë, SPAK ka kaluar për gjykim çështjen ndaj Evis Berberit, i akuzuar për korrupsion dhe pastrim parash, duke e shtuar listën e dosjeve të rëndësishme që pritet të trajtohen nga gjykata.