Operacioni “SHADOW” në Vau i Dejës: 32-vjeçari merret nga Policia, në lokalin e tij u gjet material i dyshuar i ndaluar

Në Vau i Dejës është finalizuar një veprim i koduar policor “SHADOW”, i zhvilluar nga Komisariati i zonës në bashkëpunim me Forcën e Posaçme “Shqiponja”, me qëllim rritjen e sigurisë dhe goditjen e veprimtarive të paligjshme.

Gjatë këtij operacioni, u ndalua 32-vjeçari Klemjan Përndreu, banues në fshatin Kapedan. Sipas burimeve zyrtare, gjatë kontrollit në lokalin e tij dhe në një ambient ngjitur, shërbimet e Policisë konstatuan një sasi droge, që dyshohet se përgatitej për shpërndarje në doza.

Materialet i janë paraqitur Prokurorisë për procedimin përkatës, në lidhje me veprimtarinë e dyshuar dhe përdorimin e ambientit në mënyrë të papërshtatshme. /noa.al

Vau i Dejës/Finalizohet operacioni policor i koduar “SHADOW”, për goditjen e veprimtarive kriminale në fushën e narkotikëve.

Shiste lëndë narkotike kanabis, në lokalin e tij, në fshatin Kapedan, kapet në flagrancë dhe vihet në pranga 32-vjeçari.

Sekuestrohet një sasi lënde narkotike kanabis që e posedonte 32-vjeçari.

Në zbatim të planit të masave për rritjen e parametrave të sigurisë dhe goditjen e paligjshmërive, bazuar edhe në informacionet e siguruara në rrugë operative, shërbimet e Komisariatit të Policisë Vau i Dejës, në bashkëpunim me shërbimet e Forcës së Posaçme “Shqiponja”, organizuan dhe finalizuan operacionin policor të koduar “SHADOW”.

Si rezultat i këtij operacioni, u arrestua në flagrancë shtetasi K. P., 32 vjeç, banues në fshatin Kapedan.

Gjatë kontrollit në lokalin e këtij shtetasi dhe në një ambient ngjitur, në fshatin Kapedan, shërbimet e Policisë gjetën dhe sekuestruan një sasi lënde të dyshuar narkotike kanabis, që e posedonte me qëllim shitjen në doza.

Materialet procedurale iu referuan Prokurorisë, për veprat penale “Prodhimi dhe shitja e narkotikëve” dhe “Përshtatja e lokalit për përdorim droge”.