Policia e Tiranës ka përmbyllur operacionin e koduar “Hunter”, zhvilluar nga Komisariati nr. 1, me qëllim identifikimin dhe parandalimin e rasteve të mbajtjes së mjeteve të ndaluara dhe substancave të dyshuara.

Gjatë operacionit, në zonën e Mjull Bathores, shërbimet e Policisë kanë ndaluar dy shtetas që lëviznin me automjet. Gjatë kontrollit fizik, tek ta u gjetën mjete të ndryshme të papërshtatshme për mbajtje pa autorizim.

Njëri prej personave rezulton të ketë qenë më parë i përfshirë në çështje që lidhen me konflikte ndaj personit.

Kontrollet vijuan edhe në banesën e njërit prej tyre, ku u sekuestruan sende të tjera të këtij lloji, si dhe një sasi e vogël materiali të dyshuar, të cilat u morën nga Policia për procedurë.

Burime zyrtare bënë të ditur se dy personat e shoqëruar janë identifikuar si Ilir Dushku, 29 vjeç, dhe Bjorli Xhabrahimi, 22 vjeç, të dy banues në Tiranë.

Materialet i janë referuar Prokurorisë së Tiranës, e cila po ndjek verifikimet sipas procedurave ligjore. /noa.al