Zëvendëskryeministrja Belinda Balluku është paraqitur sot në Kryeministri, pak orë pasi GJKKO vendosi ndaj saj masat e sigurisë “pezullim nga detyra” dhe “ndalim i daljes nga vendi”.

Balluku, numri dy i qeverisë, është nën akuzë për dy raste të ndryshme të shkeljes së barazisë në tendera. Vendimi i GJKKO-së e ndalon ushtrimin e çdo funksioni publik deri në përfundimin e hetimeve.

Ky zhvillim përbën një nga goditjet më të forta politike të viteve të fundit, duke shtuar presionin mbi kabinetin qeveritar për të adresuar akuzat e ngritura.

SPAK zgjeron hetimet për Ballukun, në qendër tenderi 19 milionë euro i Unazës së Madhe

SPAK ka zgjeruar hetimet ndaj zv.kryeministres së pezulluar Belinda Balluku, duke marrë në analizë tenderin me vlerë 19 milionë euro për Lotin 4 të Unazës së Madhe të Tiranës.

Kjo çështje i shtohet akuzave ekzistuese ndaj Ballukut në aferën e tunelit të Llogarasë, për të cilën ajo është marrë e pandehur. Dyshohet për abuzime me procedurat e prokurimit, devijime financiare dhe favorizim të operatorëve privatë.

Zgjerimi i hetimeve rrit presionin institucional dhe politik, pasi SPAK po shqyrton një sërë kontratash me vlerë të lartë të firmosura gjatë ushtrimit të detyrës së saj.