Ish-trajneri i Italisë dhe Arabisë Saudite, Roberto Mancini, është gati të nisë një kapitull të ri në karrierën e tij te klubi i Katarit, Al-Sadd. Pas shtatë vitesh që nga mbyllja e aventurës së tij te Zenit St. Petersburg në 2018, Mancini ka vendosur të pranojë ofertën e klubit arab.

Kontrata e tij është e vlefshme deri në qershor të vitit të ardhshëm me një pagë prej 5 milionë eurosh neto në sezon. Marrëveshja përfshin edhe një opsion rinovimi dyvjeçar jo-detyrues, që mund të aktivizohet në verë, nëse të dyja palët bien dakord.

Në javët e fundit, Mancini ishte kontaktuar edhe nga Nottingham Forest, por ai refuzoi ofertën, duke pritur një mundësi më të përshtatshme. Oferta e Al-Sadd erdhi në kohën e duhur dhe pritet të jetë një sfidë e re për trajnerin italian, i cili sjell përvojën e tij të pasur në një nga klubet më të njohura të Katarit.