Operacioni “Saga” në Tiranë – kapet 37-vjeçari që vodhi 12 milionë lekë në banesë; i dënuar më parë në Greqi për të njëjtin krim

Policia e Tiranës ka finalizuar operacionin policor të koduar “Saga”, pas hetimeve intensive për zbardhjen e disa vjedhjeve të kryera në kryeqytet. Si rezultat, është identifikuar dhe arrestuar një 37-vjeçar, i cili ishte i dënuar më parë në Greqi për të njëjtën veprimtari kriminale.

I arrestuari, N. K., 37 vjeç, banues në Tiranë, dyshohet se:

më 8 nëntor 2025 vodhi 12 milionë lekë në një banesë në rrugën “Artan Lenja”;

më 19 tetor 2025, kreu një vjedhje me thyerje në një kioskë në rrugën “Muhamet Gjollesha”, duke marrë produkte me vlerë rreth 50 mijë lekë.

Gjatë kontrollit në banesën e tij, policia gjeti dhe sekuestroi:

një send të fortë, që 37-vjeçari e përdorte për thyerjen e dyerve dhe hyrjen me forcë në ambiente;

veshje që i kishte përdorur gjatë vjedhjeve;

sasi lënde narkotike Cannabis, që e mbante në kundërshtim me ligjin.

Policia po punon për të verifikuar nëse i arrestuari ka kryer vjedhje të tjera, pasi dyshohet se mund të jetë i përfshirë në disa raste të pazbardhura.

Materialet procedurale i janë referuar Prokurorisë pranë Gjykatës së Shkallës së Parë Tiranë për veprime të mëtejshme. /noa.al