Kjo e mërkurë hapet nën një qiell të ngarkuar me energji të forta dhe emocione të përziera. Branko parashikon një ditë ku shumë shenja do të përballen me vendime që mund të ndikojnë drejtpërdrejt në rrugën e tyre profesionale dhe sentimentale.

Disa do ndjejnë nevojën për të reflektuar dhe ngadalësuar ritmin, ndërsa të tjerë do ndjejnë shtysën për të ndërmarrë hapa të guximshëm.

Energjitë planetare janë dinamike dhe të ndryshueshme, ndaj qetësia dhe durimi janë aleatët më të mirë. Le të shohim se si ndikojnë yjet sot tek secila shenjë.

1. Shigjetari

Një ditë që flet për hapje dhe mundësi të reja. Mund të marrësh një propozim të vlefshëm në punë apo një ftesë që të ndryshon humorin. Energjia është në rritje dhe komunikimi rrjedh natyrshëm. Në dashuri, rikthehet dëshira për lehtësi dhe gëzim. Dita ideale për të dalë, për të takuar njerëz apo për të nisur diçka të re.

2. Luani

Yjet të vendosin sërish në qendër të vëmendjes. Vetëbesimi është në kulm dhe të ndihmon të përballosh çdo sfidë. Lajme të mira në punë dhe mundësi për një rikthim të rëndësishëm sentimental. Në mbrëmje, një takim i këndshëm apo një darkë romantike do të ngrohë zemrën.

3. Akrepi

Dita sjell thellësi emocionale dhe pasion. Intuita është e mprehtë dhe të çon drejt vendimeve të sakta, sidomos në dashuri. Në punë, më mirë shmang përplasjet e hapura dhe vepro me kujdes. Mbrëmja sjell qetësi dhe mundësi për rikuperim shpirtëror.

4. Gaforrja

Emocionet janë të forta dhe ndjeshmëria në maksimum, por kjo të ndihmon të kuptosh më mirë të tjerët. Në dashuri kërkon qartësi dhe sinqeritet. Në punë, shmang debatet dhe lëri fjalët të vijnë me kujdes. Në fund të ditës, do ndjesh lehtësim dhe qetësi.

5. Peshorja

Qielli është i qetë dhe plot harmoni. Mund të rregullosh keqkuptime, të forcosh bashkëpunime dhe të ndihesh më në paqe me veten. Dashuria është e qetë dhe e sinqertë. Dita është e përshtatshme për të vendosur ekuilibër në marrëdhënie.

6. Binjakët

Komunikimi është pika jote e fortë. Je bindës, i zgjuar dhe plot ide të reja. Në dashuri, një mesazh apo takim mund të ndezë emocione. Kujdes vetëm me lodhjen mendore – jep vetes pak kohë për pushim dhe reflektim.

7. Bricjapi

Dita kërkon kujdes dhe maturi, por sjell edhe qartësi në dashuri. Në punë, nuk duhet të nxitohesh: çdo hap i sigurt do të japë rezultat. Në mbrëmje, relaksohu dhe shmang lodhjen e tepërt. Je në një fazë ndërtimi të qëndrueshme.

8. Ujori

Një ditë kreative dhe plot ide. Fantazia dhe intuita të ndihmojnë të shohësh përtej realitetit. Në dashuri, një gjest i ëmbël do të të bëjë të buzëqeshësh. Kujdes me shpërqendrimin, sepse mund të harrosh detaje të rëndësishme.

9. Virgjëresha

Mendja funksionon si orë zvicerane dhe arrin shumë në planin praktik. Megjithatë, në dashuri je më kritik dhe distancuar. Mos e analizoni çdo detaj – ndjenjat nuk maten me logjikë. Në mbrëmje, gjej pak qetësi për të rigjeneruar energjitë.

10. Demi

Dita kërkon ngadalësim dhe kujdes. Në dashuri ke nevojë për qetësi dhe butësi, ndërsa në punë ndihesh pak i lodhur. Mos u shqetëso, rezultatet e përpjekjeve të tua do vijnë me kohën. Një kontakt i vjetër mund të risjellë kujtime të ëmbla.

11. Dashi

Energjik, por i prirur të reagosh me impuls. Dita mund të jetë e ngarkuar emocionalisht: dashuria të vë në provë dhe në punë mund të lindin debate. Kujdes me fjalët, sepse çdo reagim i tepruar mund të sjellë tension. Në mbrëmje, megjithatë, vjen një lajm që të gëzon.

12. Peshqit

Dita sjell ndjesi të përziera: ëmbëlsi, por edhe pak melankoli. Në dashuri, ke nevojë për siguri dhe komunikim të hapur. Në punë, disa vonesa mund të të lodhin, por gjithçka do përmirësohet shpejt. Kujdes me lodhjen emocionale – merr kohë për veten. /noa.al

Për horoskopin ditor, javor e mujor klikoni këtu