Një avion ushtarak turk C-130 është rrëzuar sot, 11 nëntor, në territorin e Gjeorgjisë, duke shkaktuar një tragjedi të rëndë për forcat e armatosura turke.

Avioni ishte nisur nga Azerbajxhani dhe ishte drejtuar për në Turqi kur u rrëzua në një zonë malore pranë kufirit gjeorgjiano -azerbajxhanas , sipas një deklarate zyrtare nga Ministria Turke e Mbrojtjes.

Presidenti turk, Recep Tayyip Erdogan, tha se ishte “thellësisht i trishtuar” dhe shprehu ngushëllime për të vrarët në aksident.

Ministria turke e Mbrojtjes bën të ditur se avioni i transportit ushtarak ishte nisur nga Azerbajxhani dhe po kthehej drejt Turqisë në momentin kur ndodhi aksidenti fatal. Në pamjet e publikuara, shihet se si avioni humb kontrollin…

Si presidenti turk Recep Tayyip Erdoğan, ashtu edhe ai i Azerbajxhanit, Ilham Aliyev, u shprehën të tronditur me lajmin tragjik.

Autoritetet turke, të Azerbajxhanit dhe Gjeorgjisë kanë nisur një operacion të përbashkët kërkim-shpëtimi dhe hetimi për të zbardhur shkaqet e rrëzimit. Sipas Ministrisë së Brendshme të Gjeorgjisë, avioni u rrëzua në komunën Sighnaghi, pranë kufirit me Azerbajxhanin.

Avioni C-130E Hercules, me katër motorë me helika, përdoret gjerësisht nga ushtria turke për transport personeli dhe operacione logjistike.

🇬🇪🇦🇿🇹🇷 TUAF543 | Turkish Air Force C-130 (reg. 68-01609) Aircraft tracked departing Ganja earlier today, later signal lost over Georgian territory.Footage below apparently shows the crash of the same aircraft, currently under verification. pic.twitter.com/1Qjt0FiBtY

— Visioner (@visionergeo) November 11, 2025