Kreu i PD-së, Sali Berisha është përjashtuar me 10 ditë nga punimet e Kuvendit, për shkak të deklaratave të bëra ndaj ambasadorit të BE-së në Tiranë, Silvio Gonzato.

Vendimi është marrë nga Komisionit i Etikës në Parlament, pas kërkesës së grupit Parlamentar të PS-së.

Në seancën e ditës së enjte, teksa në Kuvend po diskutohej ligjin për ‘Barazinë Gjinore’, Sali Berisha tha se ambasadorit të BE-së Silvio Gonzato nuk mund të na detyrojë të votojmë agjendën e tij.

Komentet ishin të një natyre diskriminuese përsa i përket bindjeve personale gjinore.

Ndërsa Komisioni i Etikës rrëzoi kërkesën e PD-së për përjashtimin e Taulant Ballës me 10 ditë nga Kuvendi. PD pretendoi se Balla përdori gjuhë fyese ndaj tyre.