Robert De Niro ka hedhur akuza të forta ndaj Donald Trump, duke theksuar se ndien “turp dhe siklet që përfaqësohet nga një person i tillë”.

Aktori i njohur ndodhej në Romë, ku u nderua me çmimin “Ujkonja e Kapitolit” nga kryebashkiaku Roberto Gualtieri.

Gjatë fjalës së tij në ceremoninë e vlerësimit, De Niro përmendi fitoren e Zohran Mamdani dhe u shpreh ashpër ndaj Trump-it:

“Bota ka filluar të kuptojë sa serioze është situata. Me zgjedhjen e Mamdanit, ka ardhur koha të marrim vendin tonë mbrapsht. Duhet të çlirohemi nga ky president i tmerrshëm, sepse unë, si amerikan, ndiej vërtet siklet që përfaqësohem nga një person i tillë,” – deklaroi aktori.

Më pas, ai lavdëroi Romën, duke thënë: “Nuk është thjesht një qytet, por një vepër arti e gjallë. Çdo rrugë, çdo gur, çdo shije tregon një histori. Të marr një çmim në këtë kryeqytet, që i ka dhënë kaq shumë botës, kulturës, kinemasë dhe bukurisë, është vërtet emocionuese.” /noa.al