Janë zbardhur detaje të reja nga aksidenti tragjik që ndodhi mbrëmjen e sotme, rreth orës 19:00, në aksin rrugor Peqin – Rrogozhinë, pranë fshatit Sinaballaj.

Sipas burimeve zyrtare, drejtuesi i automjetit është shtetasi Dritan Kazioni, 58 vjeç, banues në Kavajë, raporton noa.al.

Ai dyshohet se humbi kontrollin mbi mjetin, duke përplasur këmbësoren Mukades Kulemani, 82 vjeçe, e cila ndërroi jetë në vendngjarje.

Forcat e Policisë dhe grupi hetimor ndodhen në vendin e ngjarjes, ku po punojnë për sqarimin e plotë të shkaqeve të aksidentit dhe për përcaktimin e përgjegjësive ligjore.

Burime nga vendi i ngjarjes bëjnë me dije se shoferi është shoqëruar në Komisariatin e Policisë për veprime të mëtejshme procedurale, ndërsa trupi i pajetë i viktimës është dërguar në morg për ekzaminim mjeko-ligjor. /noa.al