Tiranë, 5 Nëntor 2025

Kryeministri Edi Rama ka zhvilluar sot një mbledhje urgjente në ambientet e Kryeministrisë me drejtues të lartë të Partisë Socialiste dhe kabinetit qeveritar.

Në takim janë thirrur kreu i Kuvendit Niko Peleshi, kreu i grupit parlamentar Taulant Balla, Ministri për Marrëdhëniet me Parlamentin Toni Gogu, si dhe krerët socialistë të komisioneve parlamentare.

Burime pranë mazhorancës bëjnë me dije se arsyeja e mbledhjes nuk është bërë ende publike, ndërsa takimi vjen vetëm pak orë pas konferencës së Kryeministrit Rama me Ambasadorin e BE-së në Shqipëri, Silvio Gonzato, lidhur me progres-raportin e anëtarësimit në Bashkimin Europian.

Pritet që gjatë orëve në vijim të ketë një njoftim zyrtar mbi temat e diskutuara në këtë mbledhje.