Plagoset me armë zjarri 31-vjeçari në Durrës, dërgohet në spital jashtë rrezikut për jetën

Një ngjarje me armë zjarri është regjistruar pasditen e sotme në qytetin e Durrësit. Rreth orës 16:20, 31-vjeçari Mateo Duma, banues në Durrës, ka mbërritur në urgjencën e spitalit të qytetit për ndihmë mjekësore, me plagë në këmbë, në zonën e thembrës.

Sipas burimeve paraprake, i riu është jashtë rrezikut për jetën, ndërsa rrethanat e ngjarjes mbeten ende të paqarta.

Në vendngjarje kanë mbërritur menjëherë shërbimet e policisë, të cilat kanë ngritur grupin hetimor nën drejtimin e Prokurorisë së Durrësit. Aktualisht po vijojnë hetimet për të zbardhur shkaqet dhe dinamikën e plotë të plagosjes, si dhe për të identifikuar autorin apo autorët e mundshëm të ngjarjes.