Tiranë- Partia Demokratike ka dorëzuar sot në Komisionin Qendror të Zgjedhjeve (KQZ) raportin financiar për fushatën e zgjedhjeve të 11 majit, ku zbulohet edhe shuma e paguar për këshilltarin strategjik amerikan Chriss LaCivita.

Sipas dokumenteve të depozituara, PD ka shpenzuar 1 milion euro për angazhimin e LaCivita-s, i njohur si një prej strategëve kryesorë të fushatave të ish-presidentit amerikan Donald Trump.

LaCivita ishte përfshirë në menaxhimin dhe strategjinë e komunikimit të fushatës elektorale të demokratëve, duke dhënë këshillim në fushën e mesazhit politik dhe organizimit elektoral.

Afati për dorëzimin e raporteve financiare për partitë politike skadon sot, më 3 nëntor, dhe dokumentet do të shqyrtohen nga KQZ për verifikimin e shpenzimeve dhe burimeve të financimit.