Pas hetimeve të para mbi ngjarjen tragjike në fshatin Gjorm, ku u vra me armë zjarri Dalan Aliaj, Policia e Vlorës ka identifikuar autorin e dyshuar. Bëhet fjalë për Berti Aliaj, djalin e xhaxhait të viktimës, i cili dyshohet se ka qëlluar kushëririn e tij.

Pas kryerjes së krimit, Berti Aliaj është larguar drejt zonës malore përreth, ku dyshohet se aktualisht po fshihet.

Strukturat e Drejtorisë Vendore të Policisë Vlorë po vijojnë punën intensive për lokalizimin dhe kapjen e tij, ndërsa Prokuroria e Vlorës po koordinon veprimet hetimore për dokumentimin e plotë të ngjarjes.

Vlorë/Informacion paraprak në vijim

Në vijim të informacionit paraprak të dhënë më herët, nga veprimet e para hetimore është bërë e mundur identifikimi i autorit të dyshuar të ngjarjes, shtetasit B. A., i cili dyshohet se në fshatin Gjorm ka vrarë me armë zjarri kushëririn e tij, shtetasin D. A.

Pas kryerjes së krimit, shtetasi B. A. është larguar drejt zonës malore përreth, ku dyshohet se fshihet.

Strukturat e Drejtorisë Vendore të Policisë Vlorë po vijojnë punën intensive për lokalizimin dhe kapjen e autorit të dyshuar, ndërsa nën drejtimin e Prokurorisë vijojnë veprimet hetimore për dokumentimin e plotë të ngjarjes.