Një aksident me pasojë vdekjen u shënua në aksin rrugor "Tepelenë-Bënç".

Një 25-vjeçar ndërroi jetë pasi humbi kontrollin mbi drejtimin e motorit dhe u rrëzua.

“Pasditen e sotme, në aksin rrugor "Tepelenë-Bënç", shtetasi E. Q., 25 vjeç, duke drejtuar motomjetin, dyshohet se ka humbur kontrollin, është rrëzuar dhe për pasojë u dëmtua dhe u dërgua në spital për ndihmë mjekësore. 25-vjeçari ka humbur jetën në spital në mbrëmje, si pasojë e plagëve, pavarësisht ndihmës mjekësore”, njoftoi sot policia.

Grupi hetimor po kryen veprimet për zbardhjen e rrethanave dhe shkakut të aksidentit.