Berat – Identifikohet viktima i vrasjes në Kala, autori ende në kërkim

Janë zbardhur identitetet e personave të përfshirë në ngjarjen e rëndë të ndodhur pasditen e sotme në lagjen e Kalasë së Beratit.

Viktima është identifikuar si Keli Hoxha, 42 vjeç, banues në Tiranë, i cili humbi jetën pasi u godit me thikë gjatë një konflikti. Autori i dyshuar i ngjarjes është Kristo Mema, 63 vjeç, banues në lagjen “Barrikadë” të Beratit.

Sipas burimeve, përplasja mes dy burrave ka nisur për motive të dobëta dhe ka degjeneruar në përdorimin e armës së ftohtë.

Raportohet se konflikti mes dy burrave dyshohet se ka nisur për shkak të një kali që autori përdorte për të ofruar xhiro për turistët në zonën e Kalasë.

Debati mes tyre ka degjeneruar fillimisht në përplasje fizike, e më pas ka përfunduar tragjikisht, pasi autori ka goditur me thikë viktimën duke i shkaktuar plagë vdekjeprurëse.

Policia e Beratit ka rrethuar zonën dhe vijon kërkimet për kapjen e autorit të dyshuar. Grupi hetimor po punon për të zbardhur plotësisht shkaqet dhe rrethanat e ngjarjes.