SPANJE – Vedat Muriqi po kalon një nga sezonet më të mira të karrierës së tij. Sulmuesi i Kombëtares së Kosovës vazhdon të jetë lideri i padiskutueshëm i Mallorca-s dhe një nga emrat më të spikatur të La Ligës.

Këtë të shtunë ‘Pirati’ shënoi një tjetër gol vendimtar për skuadrën e tij, duke realizuar në minutën e 67-të kundër Sevillas dhe duke i dhënë Mallorcas barazimin e e përkohshëm, por që mori me shumë vlerë nga fakti që miqtë shënuan edhe dy gola të tjerë me Mateo Joseph, duke triumfuar në fund 1-3. Me këtë gol, Muriqi e çoi në 6 numrin e realizimeve në kampionat, duke e renditur veten mes tre golashënuesve më të mirë të La Ligës.

Ai aktualisht ndan të njëjtin numër golash me Julian Alvarezin e Atletico Madridit, ndërsa përpara tij ndodhet vetëm Kylian Mbappe, që ka shënuar 9 herë deri më tani.

Forma e shkëlqyer e Muriqit po tërheq gjithnjë e më shumë vëmendjen e medieve spanjolle dhe tifozëve, të cilët e kanë pagëzuar prej kohësh si “Pirati i Balearëve” për luftën dhe efektivitetin e tij para portës. Sulmuesi prizrenas po tregon se është në kulmin e pjekurisë sportive dhe një shtyllë e fortë për Mallorca-n në këtë sezon të La Ligës.