LEZHË- Një ngjarje e rëndë ka ndodhur në zonën e Kunës në Shëngjin të Lezhës.

Nga informacionet paraprake, mësohet se një punëtor ndërtimi 36-vjeçar ka rënë nga latësia e ndërtesës në të cilën po punonte. Si pasojë e goditjes së rëndë ai ka humbur jetën.

Polica ka shkuar menjëherë në vendngjarje, ndërkohë po heton më shumë mbi ngjarjen e rëndë.

Shëngjin / Informacion paraprak

Rreth orës 16:30, Salla Operative e DVP Lezhë është njoftuar se, në ambientet e një objekti në ndërtim në Kune–Shëngjin, shtetasi A. Z., 36 vjeç, banues në Pllanë, Lezhë, dyshohet se ka rënë aksidentalisht nga lartësia e vendit ku do të vendosej ashensori dhe, për pasojë, ka humbur jetën.

Shërbimet e Policisë dhe të zjarrfikëses kanë shkuar menjëherë në vendngjarje dhe kanë bërë të mundur nxjerrjen e trupit të viktimës.

Grupi hetimor ndodhet në vendngjarje dhe po punon për sqarimin e plotë të rrethanave dhe dokumentimin me prova ligjore të këtij rasti.