Zyra në Shqipëri e Organizatës së Sigurisë dhe Bashkëpunimit Evropian (OSBE) foli sot për herë të parë për atë që e cilëson përdorim të tepruar të arrestit në burg.

Deklarata u bë nga Kryetari i Prezencës së OSBE-së në Shqipëri, ambasadori Michel Tarran, i cili u takua sot me Ministrin e Drejtësisë, Besfort Lamallari.

Ministri i ri, në një deklaratë publike për takimin, foli për "nevojën e thellimit të bashkëpunimit në drejtim të adresimit të problematikave lidhur me nivelin e përdorimit të masave arrest në burg".

Ndërsa ambasadori i OSBE-së shpalli angazhimin e Prezencës për të trajtuar këtë çështje në mënyrë gjithëpërfshirëse, pa dhënë detaje të mëtejshme.

Deklarata e kreut të OSBE në Shqipëri vjen dhe është në unison me deklaratat e Edi Ramës dhe Erion Veliajt të cilët janë shprehur disa herë se arresti në burg është një penalizmi i papranueshëm për ta.

Kjo tezë doli për herë të parë nga qeveria, pas arrestimit të Erion Veliajt. Më herët ishte arrestuar dhe u burgos Ilir Meta i cili vazhdon të qëndrojë në qeli. /noa.al